Etibarlı yoxsa peşəkar işçi mövzusu, deyərdim ki, əksər bizneslərdə həmişə əsas suallardan və qərarvermə mərhələlərində rəhbərliyi çətinə salan mövzulardan biridir. Özüm tez-tez bu kimi mövzuları araşdırmağa, daha optimal həll yollarını tapmağa çalışıram.
Bir müddət öncə Arizona Universitetindən Sherrie Scott’un peşəkar işçi mövzusunda bir məqaləsində diqqətimi çəkən maraqlı bir məqam oldu. Müəllif qeyd edir ki, komandada olan peşəkar işçilər ofisdə lazım olan peşəkar davranış qaydalarını və qırmızı xəttləri müəyyən edirlər və onu qoruyurlar. Çox xoşuma gələn fikirdir. Çünki belə olduqda iş mühiti, komandadaxili münasibətlər ən effektiv formada təzahür tapır. İş prosesində yarana biləcək əyriliklər, qayda pozuntuları bu standartlar arasında özünü göstərə bilmir.
Bu gün HR Option şirkətinin direktoru Xəqani Səfərovun bu mövzuda çıxışını izlədim. Mütəxəssis videoda çox maraqlı nöqtələrə toxunur. Qərara aldım ki, həmin çıxışı bloquma əlavə edim ki, peşəkar işçi mövzusu ilə maraqlanan dostlar faydalansın.
Çıxışı izlədikdən sonra fikirlərinizi şərhdə bildirməyi və paylaşmağı unutmayın.
The post Etibarlı yoxsa peşəkar işçi? Hər kəsi narahat edən sual appeared first on Orxan Rzayevin bloqu.